ЈУСТИНИЈАНОВИ ПРИКАЗНИ Vol.3 – 20.5.2024, понеделник, во 17 часот

Трет пат по ред на 20.5.2024 година (понеделник) со почеток во 17 часот во Читалната на Правниот факултет ,,Јустинијан Први” во Скопје се одржаа веќе традиционалните ЈУСТИНИЈАНОВИ ПРИКАЗНИ.

Целта на овој настан од мотивациски карактер е зближување, вмрежување и развивање на соработка помеѓу нашите сегашни студенти и веќе дипломирани, магистрирани и докторирани студенти, а членови на нашата алумни заедница. Овој пат својата приказна од стидирањето и студентските денови ни` ја раскажаа м-р Александар Шопов – судија, м-р Илина Мангова – политикол, и Жарко Димитриевски – водител на популарната Еден на Еден.

Уште еднаш заедно ги чувме нивните спомени од факултетските денови, но и како нашиот Факултет одиграл улога во нивниот професионален развој како истакнати и докажани експерти, секој во својата област!